grub rescue on Ubuntu 14.04 and Windows 7 Dual boot

ကွန်ပျူတာမှာ Ubuntu သုံးချင်တာနဲ့ Windows 7 မှာ Dual Boot တင်ဖို့အတွက် ကြိုးစားနေတာ ၃ ရက်လောက်ရှိပြီ။ ခုတော့ အဆင်ပြေသွားပါဘီ။ ခုကွန်ပျူတာမှာ OS ၂ ခု တင်ထားတယ်။ တစ်ခုက windows 7 နောက်တစ်ခုက Ubuntu 14.04 ။ ဒေတာ အတွက် partition တစ်ခု။ မနေ့ညက Windows 7 မှာ Windows Update တွေ အင်စတောလုပ်ပြီး restart  လုပ်လိုက်တာ ပြန်ပြီးတက်လာတော့ အောက်ကပုံအတိုင်း မြင်ရပါလေရော…


တော်တော်လေးကို စိတ်ညစ်သွားတယ်။ ဘာလို့လဲဆိုတော့ ဒါကို သုံးဖို့အတွက် အင်စတောလုပ်နေတာ ၃ ရက်လောက်ရှိဘီ။ အဲဒါနဲ့ အင်တာနက်မှာ လိုက်ရှာရင်း သူတို့ပြောထားတဲ့အတိုင်း လုပ်ကြည့်ရတာပေါ့။ နောက်ဆုံးအောက်ကနည်းလမ်းလေးနဲ့ အဆင်ပြေသွားတယ်။
ပထမဆုံး grub > မှာ ls လို့ရိုက်ပြီး enter နှိပ်လိုက်ပါ။
ကျွန်တ​ော့်ဆီမှာတော့ အောက်ကအတိုင်း မြင်ရပါတယ်။
(hd0)(hd0,msdos5)(hd0,msdos4)(hd0,msdos2)(hd0,msdos1)
ကျွန်တော်ဆီမှာ Windows 7, Ubuntu, Data ပြီးတော့ windows 7 အတွက် System Partition တစ်ခုရှိတယ်။ အဲဒီတော့ ဘယ် Partition က Ubuntu တင်ထားမှန်းမသိရဘူး။
သိရအောင် အောက်ကကွန်မန်းကို တစ်ခုပြီး တစ်ခုရိုက်ကြည့်ပါ။

ls (hd0,msdos5)/
ls (hd0,msods4)/
ls (hd0,msdos2)/
ls (hd0,msdos1)/

Ubuntu တင်ထားတဲ့အပိုင်းမှာ Linux Directory တွေ တွေ့ရပါမယ်။
တစ်ခြား Partition တွေအတွက်ဆိုရင်တော့ “error: unknown filesystem.” ဆိုပြီးပြပါလိမ့်မယ်။
ကျွန်တော့်အတွက်ကတော့ (hd0,msdos4) က Ubuntu တင်ထားတဲ့ အပိုင်းပါ။
အောက်ကကွန်မန်းတွေကို ဆက်ရိုက်ပါမယ်။
set root=(hd0,4)
set prefix=(hd0,4)/boot/grub
insmod normal
normal

အဲဒါတွေရိုက်ပြီးတာနဲ့ OS ၂ ခု ရွေးတဲ့နေရာကို ပြန်ရောက်သွားပြီး အဆင်ပြေသွားပါတယ်။
ကျွန်တော်လိုမျိုး ပြသနာတက်ခဲ့ရင် အဆင်ပြေအောင် မှတ်တမ်းတင်ထားလိုက်ပါတယ်။

Advertisements